әскери сал қайық

(Военный паром)

су бөгеттерінен қару-жарақ пен әскери техниканы, жеке құрамды өткізуге арналған жүзбелі құрал. Ә.с.қ. арналуы бойынша көпірлі, тасымалды және әмбебап болып бөлінеді. Көпірлі сал қайық қалқыма көпірдің бөлігі болып саналады. Тасымалды сал қайық жеке құрам мен әскери техниканы өткізуге арналады. Әмбебап сал қайық жоғарыда аталған екі міндетті де атқара алады. Әдетте, Ә.с.қ. штаттық понтон паркінің материалдық бөлігінен жиналады, мұндай сал қайықтардың әскери техниканың кіруі мен шығуына арналған аппаральдері болады. Ә.с.қ., сондай-ақ жергілікті өткізу құралдарынан (баржа, катер) немесе қолда бар (кесілген ағаш заттар, кеспек және т.б.) құралдардан да жиналады. Олар құрылысы бойынша жеке қалқымалы тіректі және таспалы-сал қайық түрінде болады. Алғашқылары қалқымалы сыйымдылықтардан (понтондар, қайықтардан, кеспектерден және т.б.), тірек конструкцияларынан, өткізу бөлігінен, кіру және шығу құрылғыларынан, суда жүзетін құралдардан тұрады. Екіншілерінің барлық негізгі элементтері бір буынға (понтонға) біріктірілген. Мұндай таспалы-сал қайықтардың жүру жылдамдықтары бірінші түрдегі Ә.с.қ. қарағанда (мотор құралдарының бірдей қуаттылығын-да) жоғары. Ә.с.қ-қа суда катермен тіркеу (итеру) арқылы немесе өзінің қозғалтқышы көмегімен жылжиды. Жаңа Ә.с.қ-тардың суда және құрлықта өз бетінше жүру мүмкіндіктері қарастырылуда.